22. September bis zom 30. November
Ihr liebe Leut,vom 22. September bis zom 30. November dies Johr gibt’s im Nordschwarzwald ebbes ganz bsonders ond ganz Neus, nämlich a „Festi-Wall für a friedlichs Miteinander für älle Leut“. Was isch au des? Des „Festi-Wall für a friedlichs Miteinander“ will älle guete Kräft stärke, die Herza aufmache ond die Mauera in de Köpf ond au die Bretter vor de Köpf überwinde helfe. Mir wöllet friedlich miteinander diskutire, friedliche Begegnunge möglich mache, ohne dass mir auf einader losganget, wenn der andere a andere Asicht hat. Koiner soll ausgrenzt werde sondern mir wöllet ganz friedlich miteinder schwätze.
„Wall“ bedeudet do, dass mir die Mauere in de Köpf ond au die Bretter vor de Köpf überwinde wöllet.
Bei dem „Festi-Wall gibt´s ganz viele verschiedene Veranstaltunge ond Aktione:
- Musik ond Informatione
- Ausstellonge
- Filmvorführonge
- Lesonge ond Theatervorführonge
- Aktione mit Kender aus onterschiedliche Länder ond Kulture
- Trommerworkshops für jonge Leut aus onderschiedliche Kulture
- ond no viele andere au
Es lohnt sich für jeden, dass er kommt. Mir wöllet zeige, wie leicht a gemeinsams Miteinander sei ka. Es gibt an Haufe Termine ond Veranstaltunge. Ihr brauchet bloss en unseren Kalender gucke oder neumodisch uf euere Computer als PDF- Downlad im Fleyer.
Mitbürger ond Mitbürgerinne, Schwarzwäler ond Zuzogene, Einheimische ond Leut aus andere Länder bittet mir herzlich in der Bürgergesellschaft mitzumache, ond bei der Gestaltong des Festi-Walls gute Ideea eizubringe.
Des „Festi-Wall“ wird von 12 Initiative aus 8 Flecke im Nordschwarzwald veranstaltet. Mir wöllet, dass alle Mensche friedlich zusammelebet ond gut miteinander auskommet. In dere Vielfalt sehet mir die Möglichkeit, dass mir über de eigene Kirchturm nausgucket. Mir send für demokratische Grundwerte. Miteinander bildet mir des Netzwerk Wertevielfalt im Nordschwarzwald.
Gfördert wird des ganze „Festi-Wall“ durch des Programm Gemeinsam in Vielfalt.
Ond sogar des Ministerium für Soziales und Integration Baden Württemberg fördert des „Festi-Wall“. Dies isch doch ebbes bsonders.